meiri veikindi

Viti menn, loksins þegar Önnu Lísu er batnað varð Bryndís veik, vaknaði með bullandi hita í morgun og er svo slöpp. En við létum okkur hafa það að kíkja í afmæli hjá tengdaömmu minni þó hún væri slöpp og að sjálfsögðu fengum við gott kaffi og með því, takk fyrir okkur

'Eg fór aftur á djammið á föstudaginn með Höllu systir og Bjarna vin hennar og kíktum við á Hressó og svaka stuð var þar, ég skemmti mér allavega mjög vel. Dalton var að spila og þeir eru annsi góð partýhljómsveit, allavega leiðist manni ekki þegar þeir spila. Mér er farin að líða eins og versta grúpppía því altaf þegar ég fer á djammið enda ég þar sem þeir spila, svo kíktum við smá stund á Dubliners og þar hitti ég voða sætan þjón sem var írskur og svaka talaði hann flott og verð bara rosaskotin í öllum sem tala írsku eða skosku(sama hvort það sé kall eða kona)er að hugsa um að senda Davíð til Skotlands í nokkra mánuði(ég að sjálfsögðu þyrfti að fara með svo hann yrði ekki skotin í skotunum) svo hann fái svona skoskan hreim, kannski svolítið lang sóttætli það verði ekki langt þangað Davíð hleypi mér aftur útég fæ allavega að fara út eftir mánuð því þá förum við hjónin til Noregs með frændsystkinum Davíðs og mökum þeirra og mikið hlakkar mér til(ætla rétt svo að vona að ég rekist ekki á Dalton þar, þá fer þetta að vera eitthvað skuggalegt)haha

Ekkert meira hér í fréttum, ætli Högni minn verði ekki orðinn lasinn næst þegar ég skrifa, vona ekki ég ætla allavega ekki að skrifa um djamm næst ég lofaog helst ekki veikindibless

ég og Halla í Skotlandi í haust, við gerðum líka eitthvað annað en að skoða skotana

Góðan dag

Ekki er gott ástandið á heimilinu í dag, Anna Lísa búin að vera lasin síðan á þriðjudag og verður örugglega heima líka á morgun, betra að vera einn dag lengur heima heldur en að slá niðurhundleiðinlegt að þurfa að hanga heima, bæði fyrir hana og mig

Mamma átti afmæli í gær og kíktum við í smá kaffi og kjöftuðum heilmikiðtil hamingju með dagin í gær og takk fyrir okkur

læt þetta duga í bili bless

ég er klárust

Kannski er þetta aðeins of mikið sjálfstraust, það verður bara að hafa það  mér gekk einstaklega vel á námskeiðinu í dag og ég er bara svolítið ánægð með mig'Eg ætla að njóta þess í kvöld.

Hér koma nokkrar myndir af genginu mínu

Selurinn Snorri

Rakst á þennan sel í Brynjudalsvognum, þegar við fórum á Þorrablótið

HæHæ

Þessi helgi sem var að líða var bara alveg ágætt. Ég fór í júróvísjonparty til Pálínu og var alveg sátt við úrslitin og skálaði oft fyrir þeim(kannski aðeins of oft)Skelltum okkur svo í bæin á ball, fórum á Gaukinn og viti menn voru ekki Dalton gaurarnir þar að spila og nú er borin von að ég fái eitthvað annað lag á heilan, hitti líka frænda minn sem ég hitti svona einu sinni á ári eða svo og annsi skemmti ég mér vel, er allavega með harðsperrur því ég dansaði svo mikið og talaði svo mikið og ég hló svo mikið, brosti oft yfir því í gær þegar ég mundi eftir einhverjum brandara sem ég sagði eða heyrði, þó þeir væru misgáfulegir og ég verð bara að segja við fólkið sem ég fór heim með, kærar þakkir fyrir mig ég hef ekki skemmt mér eins vel lengiég allavega komst heim um síðir, loksins þegar taxin lét sjá sig og það má deila um það hvort ég kom seint eða snemma heim

Efast um að ég fara á svona skrölt á næstunni, ég var allavega ekki mjög ónýtt í gær, það varð samt ekki mikið úr deginum hjá mér og það var bara annsi gott að fara að sofa í gærkveldi

Bless

Laugardagur

'Eg er að reyna að tala Davíð minn að kíkja með mér eitthvað á skrall út af júróvíson en hann er eitthvað tregur til, er að nota skynsemistrompið og segja að það sé svo dýrt og erfitt að fá barnapíu og fleira, þannig ef ykkur dreplangar að passa tvö yndisleg börn þá endilega hafið samband Kannski neyðist ég að kíkja bara ein eitthvað á tjútt

Nóg um það ég var að hlusta á eitt besta lag sem ég hef heyrt, það festist gjörsamlega í heilanum á manni, allavega ein lína úr því, kann ekki meira úr þvíþað heitir Halló heimur og er með þeirri ágætu hljómsveit Dalton. 'Eg er allavega að gera fólkið mitt bilað með því að syngja alltaf sömu línuna sem er Halló heimur hér er ég aftur og aftur, með minni englasöngröddeða þannig.

Jæja þarf að fara tala Davíð meira til og kannski athuga með pössun, þið megið óska mér góðs gengis Gangið hægt um gleðinnar dyr og njótið helgarinnar, bless

blogg

bloggbloggbloggbloggbloggblogg

Hef ekkert annað að segja

Engar fréttir.......

.......góðar fréttir Það er aldrei neitt að frétta hjá okkur og ég nenni ekki að skrifa bara kvart og kvein hérna svo ég er að hugsa um að sleppa því í dag, að kvarta meina ég

'Eg er að byrja á nýju námskeiði á morgun í Hringsjá í bókhaldi og er bæði pínu spennt og pínu kvíðin Aðalega kvíði ég pússluspilinu með börnin en er allavega búin að redda þessari viku, Halla ætlar að sækja Högna, Bibba mín verður hjá Önnu og Sigrúni og 'Isa mín verður ein heima eða hjá Brynju, maður verður bara að plana eina viku í einu og ekki hafa miklar áhyggjur af þessu, þetta reddast

Ætli maður fari ekki bara að halla sér mikið að gera á morgun.

E.s Davíð gerði eitthvað við tölvuna svo að msnið datt út en Halla kom og reddaði þessu fyrir mig en allar addressurnar hurfu svo ef þið viljið vera vinir mínir þarf ég að fá þær aftur

GÓÐ HELGI AÐ LÍÐA

Við vorum að koma úr sveitinni, af þorrablóti hjá pabba og við skemmtum okkur mjög vel, borðuðum góðan mat( þó Davíð Erni finnst hann vera heldur skemmdur og ógirnilegur) honum fannst allavega ölið ágætt og harðfiskurinn. Við fengum krakkana alls ekki að smakka sviðin né súrmatinn, Bryndís mín fékk sér einn bita af hrútspungi en át sviðin með bestu lyst. Keyrðum svo Kjósaskarðið heim í svakadrullu og rigningu en það var ágættur bíltúr, slóum svo fimm flugur í einu höggi og skelltum okkur í sund og spöruðum okkur að baða liðið heima.

Hef ekki meira að skrifa um, svo góða vinnuviku

Halló Halló

Ég var orðin leið á hinnu blogginu okkar hjóna, alltaf eitthvað vesen á því svo ég ákvað að prófa moggabloggið.

Loksins koma einhverjar fréttir á bænum, ekki góðar fréttir samt. Í fyrsta skipti á ævinni var ég að lenda í umferðaróhappi og þar að auki á nýju smárútunni minni , það var kerlingarb.......a sem keyrði á mig og ég fór næstum að gráta að hún skildi keyra á nýja bílinn minn en allavega held ég að ég var í rétti því ég var að beygja úr hringtorgi úr innri hring þegar hún kom eins og skrattinn úr sauðaleggnum á ytri hringnum og beint á smárútuna mína. En það slasaðist enginn og bíllinn ekki ónýtur sést varla á honum, smá beygla og hjólkobburinn brotinn því kerlingarb......an var á dótabíl(yaris)miðað við smárútuna og hún keyrði beint á dekkið mitt. Ekki meira um það, ég klára námskeiðið á morgun og er skráð strax á annað námskeið í meira bókhaldi, veit samt ekki hvað ég næ að blikka hana Önnu mína mikið, hún er alveg búin að redda mér svo ég geti verið á þessu skólabrölti. Skólinn er nefnilega á versta tíma frá hálf þrjú til hálf fimm og einmit á þessum tíma er maður annsi upptekinn að sinna börnunum, svo ég þarf alltaf að redda einhverjum að sækja Högna, Anna Lísa þarf að vera ein heima og Bryndís í pössun og það er bara alls ekkert auðveldast í heimi að redda þessu. 

Það er allavega ein góð frétt, ég er loksins búin að selja Grænu skjaldbökuna(opelinn) fer á morgun niðri Lýsingu að skrifa undir það og þá er ég laus við hann.

 Nóg skrifað í bili svo bless og keyrið varlega.